Молитвы преподобномученику Вадиму, архимандриту Персидскому

Тропарь, глас 8
В тебе, отче, известно спасеся еже по образу: приим бо Крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней. Темже и со Ангелы срадуется, преподобне Вадиме, дух твой.

Кондак, глас 2
Яко постника благочестна и искусна, и страдальца произволением честна, и пустыни жителя сообразна, в песнех достойно восхвалим Вадима приснохвальнаго: той бо змия попрал есть.

Тропарь, глас 4
Мученик Твой, Господи, Евпсихие во страдании своем венец прият нетленный от Тебе, Бога нашего, имеяй бо крепость Твою, мучителей низложи, сокруши и демонов немощныя дерзости; того молитвами спаси души наша.

Кондак, глас 2
Звезда светлая явился еси, непрелестная мирови, Солнце Христа возвещающи, зарями твоими, страстотерпче Евпсихие, и прелесть погасил еси всю, нам же подаеши свет, моляся непрестанно о всех нас.